يا رب اسألك واطلبك وارفع يدي

يا واحدٍ كل الخلايق تناجيه

عفوك ولطفك بالذي يشبه الضي

في طلته وبضحكته وبتعاليه

ما له شبيه ولا مثيلٍ ولا زيّ

إلا السحاب ليا نثر كلّ ما فيه

يا رب تجعل منزله روضه وفيّ

يسعد بقبره وبنعيمك تجازيه

سلطان ولياقلت سلطان يكفيّ

واللي مثل سلطان وشلون نرثيه

لو مت يا سلطان بقلوبنا حي

الميّت اللي مات ذكره وطاريه

لو غبت تبقى صورتك مثل ماهي

بقلوبنا ذكرك, فعولك تعليه

عطاالله ممدوح

***

في ذمة الله

سلطان صار الآن في ذمة الله

الواحد اللي هالخلايق لجو له

ماحدٍ عرف سلطان بالناس يسلاه

جل الخبر كايد مصابه وهوله

أحدٍ يروح بروحته يم مولاه

واحدٍ يروح وباقياتٍ فعوله

وأحدٍ تصد الناس لا حل طرياه

وأحدٍ تبيه وكل خيرٍ تقوله

واحدٍ يحسب الطيب مشلح ومركاه

والطيب صعبٍ مثل هذا يطوله

واحدٍ ماغير الله على الطيب يجزاه

الواحد الدايم بقوه وحوله

واحدٍ زهاه المال والعز والجاه

واحدٍ برز فعله ودور البطوله

واحدٍ اذا أقفى ترى الخلق تنساه

واحدٍ يعيش بقلب ناسٍ دعوله

شخصٍ جميع الشعب بالحيل اغلاه

واشراف هالعالم جميع اشهدوا له

سلطان خير الارض والرب اعطاه

عشق الملا في كل يسر وسهوله

يالله عسى الفردوس يارب مثواه

اللي لحفظ الدين زادت حموله

اسقى الأرامل واليتامى بيمناه

ياحزنهم من عقب ماراح زوله

منصور البطي