اليوم خيّم حزن الانفاس فينا
يوم الخبر جانا على فقد سلطان
ندري وهذا الشي ماهو بيدينا
الموت حق وكل شي ببرهان
مرحوم ياسلطان العطا والحنينا
مرحوم يامن له مع الخير عنوان
عساك بالجنات واهل اليمينا
يامن بقى ذكرك بخيره للأنسان
رمز العطا سلطان شي يقينا
راح وبقى فعله على طول الازمان
من بسمته طيبٍ يداوي سنينا
وفي مدته عز وفخر فاق الاثمان
سلطان حبك بالضماير يبينا
يالله عسى تجزى بفعلك والاحسان
شعب السعوديه بحاله حزينا
وهذا النهار اليوم موحش بالاحزان
وكل يداري عبرته والونينا
لكن عزاهم صبرهم وقو الايمان
ولك ياملكنا بالوفاء ماسلينا
ماجور يافخر العروبة والاوطان
حنا نعزي وبالولاء صادقينا
حب من الله باقي وين ماكان
والشاهد الله حزن الايام فينا
بفراق سلطان الوفاء خير سلطان
فهيد البقعاوي
