أبو خالد مقر الجود من مثله طويل يمين
فعوله يمسحن فعول حاتم ويتعدنه
جمع ما بين خير وشر والثنتين في الكفين
وألا ياكم من قرمٍ يدورهن ولاجنه
خالد بن مدعث الدوسري
****
مدة يمينك مغنية كل فقران
يدعي لك الصايم وهو في صيامه
يشهد على طيبك شباباً وشيبان
من الشمال إلى علاوي تهامه
طلال بن فيصل آل خرصان
****
عرش الكرم يليق به واعتلى به
والمجد ما يسهل على كل طلاب
باله وسيع.. وكل صدره رحابه
من حب شعبه كلهم عنده احباب
مرس بن طوالة
****
على الشدات يثبت متكل بالله ما يحتار
ابقواتٍ وبرجالٍ ترود الموت ما تبالي
عريب الجد ساس المجد له مارد وله مصدار
كريم الطبع من طبعه يجود بخيِّر المالي
فهد بن عبد العزيز الرميان
