انتفض يا كل تاريخ العروبه
يا زمن وقف واضرب له سلام
يا شمال المجد يا آخر جنوبه
وين من هو سطرك بين الأنام
هي حقيقه أو اشاعاتن كذوبه؟
ولا أضغاث تخوّف بالمنام؟
هي مصيبه أو مصايب هي صعوبه؟
هي حدث قاصم أو أحداث جسام؟
والله ان اللي حصل بالكون نوبه
تنتحب منها الخلايق كل عام
راح راعي الجود ومسخّر هبوبه
الكريم ابن الكريم ابن الكرام
من بقى للطيب والعز ودروبه
والله ان الجود بعده في صيام
والشموخ اقفى ولاحظنا غروبه
يوم غادرنا وخلانا حطام
مات سلطان العروبه يالعروبه
يا عسى مثواه نورن للظلام
النايلة
