لو الحزن كائن على هيئة إنسان
كان أشتكي جور الليال ونكدها
يضيق صدري هم وآلام واحزان
وحزن الوداع أمر بكثير وأدها
ودّعت كم أحباب واصحاب وإخوان
كثر الوداع أفنا بروحي جهدها
أظلم نهار السبت بفراق سلطان
شمس الرياض السبت ما احدٍ حسدها
أميرنا المحبوب للجود عنوان
مدّات جوده ما أحدٍ احصى عددها
ولي عهد المملكة طير حوران
هو عزها هو فخرها هو رغدها
لو الكرم ينطق يجاوبه الإحسان
خيرات كفّه للمواطن حصدها
ولو للكرم تصرف شهاده وتيجان
شهادته روس العرب تعتمدها
سلطان باسمه للمهمات سلطان
كم معضله بإيده فنت في مهدها
بالجود والإحسان ما مثله إنسان
بعد الرسل والأنبياء في عهدها
مضرب مثل يبقى على مر الأزمان
واللي يدوّر بالدلايل وجدها
يالله عسى له جنة الخلد مسكان
والناس بالسلوان يا رب زدها
الشاعر- شافي بن عبدالهادي بن راجس السبيعي
