Thursday 03/11/2011/2011 Issue 14280

 14280 الخميس 07 ذو الحجة 1432 العدد

  
   

الرئيسية

الأولى

الاقتصادية

الريـاضيـة

دوليات

متابعة

منوعـات

صدى

 
 
 
 

مدارات شعبية

 

أواه يا كود الخبر

رجوع

 

الحزن هام بخاطري ضيّق على وسع الشعور

هاتوا قلم واوراق بيض وقرّبوا لي محبره

ودي أفرج ضيقتي بكتابتي بعض السطور

وإن كان ما انظمهن درر أسفه قصيدي واحْقره

من وين أبا أبدا السالفه واذكر لبعضات الأمور

اللي تجول بخاطري والحق واجب نذكره

الحزن يشقي حالتي لو طال حده للثبور

والصبر سلوان وعزى للميت دعوة مغفره

هذا القدر حكمه على روس البشر سيفٍ بتور

يا الله رحمة ربنا يوم النعش والمقبره

من أعلن الديوان علم الفاجعه راسي يدور

أو آه يا كود الخبر حجم المصيبه ما اكبره

ينعى الملك رجلٍ عظيم الشان بالخير مخبور

كل اتجاهٍ يحكي اللي في حياته سطّره

تاريخ حافل ومتمّيز بين وافين الشبور

لا والله إلا شبر أبو خالد فلا أحدٍ يشبره

بياض وجهه بالفعول الخيّره يشع نور

عامي البصيره بالجهل لو شع شوفه يقمره

سلطان سلطان العروبه يوم حالتنا دبور

وشلون فعله ينحصر يوم أثمرت كل زهره

خيره عبر كل الفيافي البيد واجناز البحور

لو جيت تقرا الخارطه تعطيك سكّة معبره

واللي يطاول سكته يصيب رجليه الفتور

ويقول سبحان الذي قّوى مقامه وصخّره

شفته بتالي رحلته رغم المرض إلا يزور

جرحى الجهاد بحالةٍ يعجز عن البشت ظهره

صُلف الألم يطفي الملامح بس يعطيك السرور

بالبسمة اللي ما حوى جمالها غير ثغره

تضفي على العاقل سعد تدحر لشيطانٍ غرور

بسمة أسد من غرته يوم الملاقا تدحره

لو مات كنّه بيننا لا زال يرمي يالثغور

كيد العدا بمواج بحرٍ لا تناشت ببحره

ينشى سحابٍ بالسما يمد ما هو بالجزور

يمطر على معظم بقاع الأرض ويعل مطره

يسقي بساتين الضما وامْحال يبّاس الجذور

ليما تشوف العافية ترقص على كل شجره

لعل صبره للألم يصير له غِسل وطهور

من يقبله رب العباد لوِرد خلده طَهّره

 

رجوع

طباعةحفظ 

 
 
 
للاتصال بناجريدتيالأرشيفالإشتراكاتالإعلاناتمؤسسة الجزيرة