العمر رحلة والأعمار مكتوبة..

والليالي غيبها عند واليها..

المشاعر كلّها اليوم مضروبة..

والديار اللي بكت فقد غاليها..

الحزن في ديرتي حط مركوبه..

كل حزن الكون جا واجتمع فيها..

يا عيونٍ تذرف الدمع مصيوبة..

هزها كبر المصيبة وداعيها..

الخبر هز الوطن وأوجع جنوبه..

غاب سلطان الجمايل وراعيها..

شيخنا اللي ينبت الطيب بدروبه..

غيمةٍ تروي كبودٍ وتسقيها..

كل شخصٍ بأصله جاه مطلوبه..

وكل نفسٍ ما يخيّب مساعيها..

يالله إنك يالولي تغفر ذنوبه..

واجعله في جنتك وأسكنه فيها..

والعزا أقدمه بأحسن أسلوبه..

للملك والشعب والنفس أعزيها..

محمد الخربوش