مرحوم يالي كلنا فاقدينه

نورٍ توارى عن بلاده والأعيان

كل البشر على فراقه حزينة

موته يهز نفوس ويشكّل أحزان

غيثٍ ليا جار الدهر ضامنينه

كف ٍسخي وفي العطا مثل الأمزان

يعطي ويرسل كل ماضي سنينه

سفن ٍ لبذل الخير في كل الاوطان

سخّر حياته للمواطن ودينه

يبني صروح الخير في كل ميدان

حرٍ لكربات الزمن ذاخرينه

طيب وشجاعة قلب وإيمان وإحسان

إلى اقتضى الموقف يبادر بحينه

في ساعةٍ فيها يروغن الأذهان

له سيرةٍ يتعب بها دار سينه

خيره على كل البسيطة والإنسان

كم واحدٍ صوّت يناديه وينه

وين العظيم الي صنع للوطن شان

هذا مقدر والقدر لدعينه

وتلاشت الآمال في شوف سلطان

يالله ياللي كلنا سائلينه

تنزل على قبره شآبيب غفران

وفي جنه الفردوس مع والدينه

تجزاه بالجنة مقراً ومسكان

والموت حق وكلنا واردينه

وما يجزع المسلم من أحداث الأزمان

الأمير نايف بن ثنيان آل سعود