حي القصيد وحي جزلة معانيه

ما كل شاعر يشعل الناس يمه

في منهج الشعار يعني أجاريه

الوزن واحد والقوافي تتمه

الطبع طبعه والمواري مواريه

يا للي يشابه بالكرم مثل عمه

نوخت فكري وينك الحرف ياهيه

هذا وطن كل المشاعر تعمه

حزنك يا بوتركي مثل حزننا فيه

الأرض تبكي والمواطن والامه

يبكي أبو متعب من على روح مغليه

أقرب من يديه الكريمه لكمه

لا ما توانى عن عضيده وفافيه

استقبل الجثمان وده يضمه

سلطان حي بما تجوده أياديه

شيد بيوت ودايم البير جمه

كم ضعيفٍ جاه عاني ويغنيه

وكم من يتيمٍ بالحنايا يخمه

يضحك ويخفي كل جرحٍ يعانيه

ما يشتكي إلا لربٍ يهمه

سجل لنا التاريخ أروع معانيه

أجيال تقرأ في الكتاب وتصمه

الله يعظم أجرنا وأجركم فيه

يا لله عسى جنات عدنٍ تلمه

جوري نجد