أفقدك يا سلطان وتبكي لك العين

والصدرِ به لوعه وحزن وحنيني

مو بس أنا حتى يتامى ومساكين

يبكون لين الدمع بيَّح كنيني

جاني خبر زعزع ركون الميادين

هزّ الخفوق وبانت أسوأ سنيني

حزَّت صباح السبت عانقت حرفين

مات وتوفى وانتثر دمع عيني

حتى شوارع ديرتي صابها البين

هم وحزن مع شهقة أنفاس فينني

حتى الزوايا تعزف الحزن تلحين

وتتكسر بمسمع مكاني وتجيني

تخنقني العبرة وأشوف الزمن شين

كني بسجنٍ والأسى هو سجيني

دمعة مليكي هزّت إحساس تشرين

رزنامته صارت هموم وونيني

لا باس يا قلبٍ جمع حب قلبين

سلمان ونايف حبهم محتويني

هُم مسندك هُم مرجعك هُم لك اثنين

درع وغطا من دونهم يكتسيني

إيه أفقدك يا تاج كل السلاطين

ويفقدك كونٍ عشت به ياضنيني

شعر: أسماء السبيعي

(استاهل الصيت)