Sunday 20/11/2011/2011 Issue 14297

 14297 الأحد 24 ذو الحجة 1432 العدد

  
   

الأخيرة

منوعات

دوليات

الرياضية

الأقتصادية

محليات

الأولى

الرئيسية

 
 
 
 

مدارات شعبية

 

يا سيدي سلمان الله يعينك

رجوع

 

يا هاجسي وراه ينضب معينك

أنا أدري بحزنك مع حزنك أحزان

ومن مات سلطان الكرم فاقدينك

ولا كل فقدان يسمى بفقدان

أرجوك هذي حزتك يا ظنينك

عبّر عن أحزاني ترى الوقت قد حان

يا سيدي سلمان الله يعينك

ويعظّم أجرك في ذرى الدار سلطان

أنا أدري أنه راح روحك عوينك

نبع الصخاء مروى ظما كل عطشان

منّاب والله يالوفي لايمينك

في حب من تنعاه حضر وبدوان

يبكيه طفل قال وين أنت وينك

وين أنت يا سلطان يا ذرب الايمان

ويبكيه شعب قايل أني ضمينك

تعيش حر وتفتخر بين الاوطان

في ظل أبو متعب يدينا يدينك

حنا جنوده وان غشا الجو دخان

مليكنا آمر وحن سامعينك

ارواحنا تفداك في سر وإعلان

نايف ولي العهد ومبايعينك

ويبقى لنا نايف على طول الأزمان

يا سيدي سلمان الله يعينك

ويعظم أجرك في ذرا الدار سلطان

يا سيدي الله يمدّ بسنينك

رمز الوفا كل الوفا يا كحيلان

ماهوب أنا كل الملا خابرينك

أصبر من الصّم الصفا يا بليهان

يا شيخ نجد وكلنا في يمينك

اضرب بنا سيف عل كل خوان

يا سيدي ونيننا من ونينك

فينا وتسلم يا ابيض الوجه سلمان

ماجد بن حسن آل ناهش الدوسري

 

رجوع

طباعةحفظ 

 
 
 
للاتصال بناجريدتيالأرشيفجوال الجزيرةالإشتراكاتالإعلاناتمؤسسة الجزيرة