تجاوز حدود كل الروح تأثيره

جرحٍ رسخ بالخفوق وزاد هوجاسه

وامتد للفكر لين اشعل تفاكيره

والنفس في ما يحس القلب حساسة

لو كانها من همومه جات في حيرة

كل العلامات تيّها بمرواسه

وأشواقها الصامتة في بوح تعبيره

هي سبّة الجرح ولاّ الجرح من ساسه

إن كان حال الغلا في نار تبريره

ما عاد يحتاج شرح الشرح لدراسة

هذاك فالقلب شامخةٍ مقاصيره

اعتز فيها وهي فخره ونوماسه

ولا فيه قبله ولا بعده ولا غيره

ملك مشاعر غلاي الجم وإحساسه

والود معناه وشعوره وتبريره

ينساق بالمجد مثل الجود مقياسه

معدنه صافي ووافيةٍ معاييره

مثل الذهب والذهب ما تجهله ناسه

اللي لهم في روايع سيرته سيرة

بأعماقهم صدق نبضه واطيب انفاسه

هم قمته بالوفا واشهر مشاهيره

صانوه رغم الزمن والجرح واتعاسه

فتاة نجد