يخص الأمير الشاعر خالد بن سعود الكبير (مدارات شعبية) بآخر ما كتبه:

لي رحت ضايق منك منحاش يا همْ

لحقتني تمشي معي مثل ظلي

والله ما عندك كرامه ولا دمْ

وشلون تتبع مقفيٍ منك ملّي

أشغلتني ياشين بالضيق والغمْ

متى على الله عن حياتي تولّي

صبرت لين الصبر يا معذبي تمْ

واليوم أنا باشكيك شكوى إمغلّي

بأشكيك للّه دافع الجور والظلم

لولاه سبحانه ورحماه من لي

هو الملاذ اللي أبدعيه وأزهم

دعوة غريقٍ بين الأمواج خلّي

يارب أنا راجيك والهم ما هم

لي صرت راضي طبت مهما حصل لي

الأمير الشاعر - خالد بن سعود الكبير