للدعيع تحايا مع جزيل السلام
قلتها من ضميري للبطل تعرفونه
ومهما قلت الشعر ومهما قلت الكلام
ما نوفّي محمد حيث ما تجهلونه
حارس مبدع له مواقف عظام
وسمي أسطورة والوفاء في عيونه
البطل غالي من رجال كرام
سمعته وافية والعرب يذكرونه
مع ربوعه محبة لا عتاب وخصام
بواجبه قايمن ودايمن يشكرونه
مخلصن مع رفاقه بارعن بانسجام
له مواقف عظيمة والوطن يرفعونه
الخلق من طبوعه له مكان ومقام
هو زعيم الحراسة ما خفى تفهمونه
من أجا ثم سلمى جانا رجل همام
والتحق مع رفاقه والفخر يرسمونه
ثم شاف المعزّة مع عظيم احترام
مع زعيم الذهب قمة في فنونه
مع هلال المحبة حظّه اليوم قام
وما نسينا رجال بالوفا يدعمونه
عاصر رجال فكر مع وفاء واهتمام
عالمي والشعار اللي لبس ما يخونه
وجاه ريّس محنّك يستحق الوسام
ابن مساعد حكيم حقق اللي يبونه
قلت أنا الموج الموج الأزرق دايمن للأمام
ذي طبايع حسينة عادة يسلكونه
وللعميد التحية ولا يشوف الملام
موفق يا محمد وما تشوف المهونة
ثم أصلي واسلّم على خير الأنام
على نبينا محمد والملا يتبعونه
الشاعر- محمد عبدالعزيز الخنيفر - أشيقر
