صديقي تبي العلم الحقيقي ومن تاليه

انا اضحك ولكن نار قلبي لها واقد

على اللي عطا للناس والناس ما تعطيه

وفا لين حتى صار منه الوفا ناقد

من اللي يشوفه فالخفا والزمن يبديه

وقف عند معنى انسان يعطي وهو فاقد

يبي ذا الحياه افراح بس الزمن مشقيه

خذا منه حتى حلمه اللي وهو راقد

صبر تجربت عمر ورحل ما شكا خافيه

نظر للحياه وكان في نيته عاقد

على انه فرح لقلوب وانه سعد لوجيه

تبسم معاه محب وفرح معه حاقد

وهم يحسبون ان فاقد الشي ما يعطيه

وانا اقول هذا انسان يعطي وهو فاقد‎

مانع الوايلي