مرثية في وفاة سعود بن مزعل بن طواله - رحمه الله -

موته حزن ولكل شمر فجيعة

ما هو فقيدة خص بس الطواله

من موتته ضاقت علي الوسيعه

ابكي وانا حالي من الضيق حاله

لا والله الا مات راس الطليعه

اللي تربع بالمعالي لحاله

مات ابو بندر عز شمر جميعه

لا جا مجاله قيل وا حي فاله

ما هو تصنع كل طيبه طبيعه

يمناه تعطي دون تدريب شماله

به فزعة للناس تاتي سريعه

ويشوفها واجب ولا هي جماله

بنى لنا مجد حصونه منيعه

يموت خطوات الولد ما يناله

بابه مشرع طول عمره شريعه

للضيف والعاني وكل لجا له

لا ضاقت الحيلة بوقعة وقيعه

وتلفتت روس الرجال بعجاله

وين ابوبندر وين راس الرفيعه

وين الذي باللازمة ينعناله

تلقاه حاضر والمعالي صنيعه

يحلها لو كان من حر ماله

لا والله الا غاب نجم سطيعه

وانهد ركن من اركون الشكاله

عسى محمد عند ربي شفيعه

يوم الحساب ويوم تعرض عماله

مرس بن طواله