تامر على قلبي يحنّ

وتامر على الخطوه تجيك

مالي عن عيونك وطن..

كل المشاعر تحتريك..!

***

تامر على روحي أمر..

تركض وراك

وش عاد يبقى في العمر..

إلاَّ رضاك..!

جيتك حنان

مالي عن عيونك مكان..!

ومالي من الدنيا سواك

ياللي تعاتبني جفا..

تامر علي..

ما شفت فغيابك دفا..

لـ.. رَعشة يدي

بس القَهَر..

شوف اش كثر

مرّت سنين

وأكثر من عتابك عُذُر

***

تامر أمر..

حتى على وقتي معك..!

عاتب وأنا بس أسمعك..

ومهما يتعّبني العتاب..

أبـَ.. عتذر طول العمر..!

عذري معك إنك حنون..

وإني نسيت انك كثير

أحن من ليل السكون

وألطف من أنفاس العبير..

***

تامر أمر..

حتى على جرح العمر

وأنا مَعَك.. طول العمر..!

الشاعرة/ نوف بنت محمد (النجدية )