ارسل ملاحظاتك حول موقعنا

Monday 23/01/2012/2012 Issue 14361

 14361 الأثنين 29 صفر 1433 العدد

  
   

الأخيرة

منوعات

دوليات

الرياضية

الأقتصادية

محليات

الأولى

الرئيسية

 
 
 
 

مدارات شعبية

 

نادى بصوته للوفا والاخوه

 

 

 

 

 

 

 

 

رجوع

 

من غير ربك يفرج الهم والضيق

العبد ماله غير مولاه قوه

لاضاق صدره وشتكته المعاليق

ونادى بصوته للوفا والاخوه

وليا خذلوه اهل الوجيه المدانيق

يرفع يديه وللكريم يتفوه

يدعيه في حسن العمل والتوافيق

ويكفيه من شر الزمان ودنوه

ويذهب حزن نفسه وضيق المغاليق

ويبسط له برزقه ويرفع سموه

ويصدق مع الله قبل ماينشف الريق

وقبل صديقه مايعاتب عدوه

ويلقى الاجابه قبل ماطرفه يفيق

من غمضته ويرد يبغى علوه

من واحدٍ بأمره جميع المخاليق

كانت وتفنى والحياه اتموه

وهذي هي الدنيا وصالٍ وتفريق

كلٍ تبي تعطيه خيره وسوه

محدٍ سلم منها وذب الشواهيق

الحاضره واللي مع أبله يدوه

كل البشر تطرد وراها عشاشيق

حتى كبير العمر لاهي وتوه

تغري قليل المعرفه بالمساحيق

وهي زخرفٍ فاني ووجهٍ مشوه

والادمي ماصار له من لواحيق

كله مقدّر من بداية نموه

عمره هدف واقدار وقته تفافيق

والوقت ماخلّد منار النبوه

حاول تضع الاحساس قلبك مسابيق

ورشاك عن بير الملذات طوه

مادام في قلبك غصونٍ مواريق

عرقه من الايمان غذه وروه

قدام تلعب به هبوب الصعافيق

وماينفع الندمان ليته ولوه

والموت لابده على ابن ادم مويق

يهدم ملذاته ويعصف بجوه

حقٍ كُتب على النفوس بمواثيق

ولا جاء يتم مهمته ماينوه

اعمل مادام سنين عمرك زماليق

الوقت ماتضمن هناه وهدوه

يمضي وحنا غافلين ومشافيق

وياقل مايصدق مع الناس نوه

الشاعر - نهار بن ممدوح

 

رجوع

طباعةحفظارسل هذا الخبر لصديقك 

 
 
 
للاتصال بناخدمات الجزيرةالأرشيفالإشتراكاتالإعلاناتمؤسسة الجزيرة