ارسل ملاحظاتك حول موقعنا

Thursday 26/01/2012/2012 Issue 14364

 14364 الخميس 03 ربيع الأول 1433 العدد

  
   

الأخيرة

منوعات

دوليات

الرياضية

الأقتصادية

محليات

الأولى

الرئيسية

 
 
 
 

مدارات شعبية

 

الدنيا قصيرة

 

 

 

 

 

 

 

 

رجوع

 

اليا حل القدر ما عنه صده

ولو حاولت بجهودك تردّه

قدر ربك على المخلوق جاري

يود اللّي جرى أو ما يودّه

ترى الدنيا ولو طالت قصيره

مصيرك راحل لو بعد مدّه

ولكن قبل ما ترحل تزوّد

ولا تغفل عن التقوى بصده

اليا منه رزقك الله بصحه

ودين وستر هي رأس المكده

فلا تغريك دنياك الدنيّه

وتمضي بين هات وبين وده

توسّط والوسط بالأمر خيره

ترى ما فاق حده صار ضدّه

عن الرزق الحلال ابحث وجاهد

تسبب في دروب المجرهده

وبالك والكسل يا ابن الحموله

نعم ما ينفعك كبر المخده

يمر الوقت والإنسان غافل

قليل أهل النفوس المستعده

تأمل بالحياة بعين عاقل

وطالع فعلها في كل بده

أحد فيها منعَّم ما يعاني

واحد دايم على ذلّه تحده

تراها ما تدوم بكل حاله

وقصر الزين بالشينه تهده

قدر واللي كتبه الله وقدر

مثل حال البحر جزره ومدّه

رسول الله وينه والصحابه

ووين الطيبه والمستبده

فنوا ما كنهم عاشوا وصاروا

وهذا طبعها قامه وشده

فعايلها تحيِّر كل عاقل

جداه يحط يده فوق خده

خلاص اعلن عن اللي فات توبه

وباب الذنب في يمناك سده

تأكد خالقك لا تبت يفرح

ويغفر ما سلف هزله وجده

كتبت الشعر والمقصود ذكرى

وعلمي من بغى الخيره يشده

وتأكد لو بذلت أقصى جهودك

اليا حل القدر ما عنه صده

الشاعر- عبدالعزيز الشهيل

 

رجوع

طباعةحفظارسل هذا الخبر لصديقك 

 
 
 
للاتصال بناخدمات الجزيرةجريدتيالأرشيفجوال الجزيرةالسوق المفتوحالإشتراكاتالإعلاناتمؤسسة الجزيرة