ياذا اللبيب اللي يلقلط يهلي
من قلب والترحيب روح العزيمه
علمٍ على مبداه ما يضمحلي
معناه وارد والنويا سليمه
اللي يصوم الوجب انه يصلي
واللي يصلي ماسعى بالنميمه
حظه على روس الجبال امتعلي
ودربه يبوح الوجهه المستقيمه
كنه على روس النوايف امطلي
مع النضر يحوز الاريا الحكيمه
واللي يحايل عقدتن ماتحلي
يصبح ويمسي والعواقب وخيمه
يالله لعل الشر عنا يولي
والخير جعله ديمةٍ عقب ديمه
شاعر وفكري بالخيال امتجلي
وطرح على المعنى الجديد الوسيمه
ادل دربي والمفتح يدلي
ولا يتيه الدرب غير البهيمه
ما حصر خيالي فالمكان المحلي
ولا ادعي بالعرف وشداد ريمه
لكن ليا هب الهوى جيت كلي
دام الهواجس للمثايل محيمه
عزيت من يجمع حلالٍ مولي
وهنيت من يمسح دموع اليتيمه
اتعب وسجل جابتي في سجلي
واختم المعنى بوقت اتختيمه
الوقت الاقشر بالغثا مرتكلي
مار السلامه والعوافي غنيمه
اللي بقى لي في محيط التسلي
سلك الأمل والذكريات القديمه
صالح عبدالرحمن الصالح الناصر - الزلفي
