ضفافها ما تجمعه كل الأطراف
ترسم ملامح غيم فوق الفيافي
هذي مداها صار لي نجم ولحاف
تعشق برغبتها لذيذ القوافي
القلب أرق من الندى حيل شفاف
برد الشتا يحتاج له همس دافي
تكتب ومنها شفت تهتز الأوصاف
يسرق مذاق التوت طعم الأشافي
هي شهرزاد الليل والصبح ما طاف
تو ابتدت معها حكاية مطافي
على شواطيها مراكب ومجداف
أجمل جميلات البحار الخوافي
تشرق بوجه الشمس ما عندها خلاف
بخدودها نور الصباحات غافي
الشاعر/محمد العريعر - الرياض
