قسى قلبي عقب لينه وصار الحزن له عنوان
وعيني دمعها يمطر على خدي هماليله
كتمت الحزن في صدري وأثر حزني في وجهي بان
علامات الحزن من وقتي اللي ذقت من ويله
أريد رضاك ياربي ولا أبغي رضوة الشيطان
ونفسي أمرها بالسوء وأنا مدري وش الحيله
أسير بسكة الشيطان وأعود خاسر وندمان
يناديني على درب الردى والنفس تاتي له
أنا والله ماودي ولا أريد لأمرك العصيان
ليا مني عصيتك وسط صدري هم(ن) أشيله
ليا صابتني الضيقه وجتني زحمة الأحزان
ماغيرك ياعظيم الشان أبي أنصاه وأشكي له
أريد رضاك ياربي وأريد العفو والغفران
يقوله عبدك المهموم ألا يالله تاوي له
هذي نجواي ياربي نطقها صادق الوجدان
أحاسيس الجريح اللي تعب من وقته وميله
- رامي الروقي
