الموت ما يدري وعن العين غباك

عن عين من ودك بقلبه وعينه

يجهلك يا يوسف ويجهل سواياك

ونت الفقيده واشهد انك غبينه

من روس والعالم تجيلك وتنصاك

والعفن عفن وللعرب فاقدينه

الله بجنانه يظلك ويحماك

ورضوان في قبرك تصافح يمينه

أبكيك والعالم بعد مت تنعاك

ومثلك خسارة بغيبته قيل وينه

ليته خذا غيرك وكبك وخلاك

يا راعي الجزله وراع السمينه

يا راس يا بارز من اقصاك لدناك

شعري وحسي فيك زايد ونينه

أرثيك ببيات القصايد ولانساك

وكل بعد فرقاك روحه حزينه

ولاظنتي يظهر مع الناس شرواك

شرواك نادر بالقرى والمدينه

ونت القراري ساس مجدك ومبداك

كل درابه والمساعي ثمينه

من روس قوم وبالنواميس مرباك

والطيب سر العز بينك وبينه

وحنا ترانا بالجماعه فقدناك

فراغ شخصك بان فينا بحينه

صعفق بن عبدالله بن صعفق