ماكل قاني ذود قيل اله رجال
ولاكل رجالن يقال اله وافي
ترا الرجال انواع والوان واشكال
مير السنافي طول عمره سنافي
ولاكل منهو عرّب الجد والخال
تلقاه في وقت المواعيد يافي
ياكثرهم فالوجه وافين وثقال
وليا رجعنا لصمايل خفافي
مافيهم اللي لصعيبات حلال
ولافيهم اللي داخل القلب صافي
اقلوبهم سوداء خبيثين الاعمال
ووجيههم من بغضها ماتشافي
مير الوكاد وكلمة الحق تنقال
ومن لايقول الحق عدوه هافي
بثي ياذاعه وانشريها بالارسال
على جميع الناس عبر القوافي
الشيخ يبقى شيخ لوماله اعيال
والاش يبقى لاش لوّه يشافي
(نياف العضياني)
