يا من بصوتك تحيي شعوري الميت

وشلون زينك لا ظهر منه ما أخفا

إنت الوحيد اللي لو أبطيت ما أبطيت

طيفك معي ثابت لو أقفيت ما أقفا

الشاعر/ تميم السالم

* * *

من قسوتك من عذابك من عظم باسك

قسيت يمكن عليك أكثر من العاده

قعدت أذلّك وأصغّر بالهوى رأسك

يا ظالم الحب وآخذ حقِّي زياده

الشاعر/ فيصل العبدالله الرشيد (الحيران)

* * *

فيك التقى شريان قلبي مع الدمْ

جسمين لكن قلب واحد نشيله

مهما حصل.. لا بد في يوم.. نلتمْ

إنت وأنا قصة غرامٍ.. طويله

الشاعر/ عثمان المجراد

* * *

تدري إنك غير كل الناس واللّه

وتدري إن الحب مخلوقٍ.. عشانك

يا حبيب الروح خذت القلب كلّه

والحنان.. اللي بهالدنيا.. حنانك

الشاعر/ الأمير د. سعود بن عبدالله