قصيدة رثاء في الشيخ/ يوسف بن راضي القراري رحمه الله
أنا ابن عمي مات وأزريت لا أنساه .... مرحوم ياراع الوفاء والجمايل
ما ياخذ الفنجال قبلي ليا جاه
ولو شافني غلطان ماقال عايل
يشيل من مخباه ومخباي يملاه
ويضيق لامن شاف مامن صمايل
أبكي عليه اود قلبي بلا ماه
لعل يشفن الجروح الغلايل
عليه جفن العين متنثر ماه
مثل الشعيب الي من الديم سايل
يوسف معشي الضيف من فعل يمناه
تشهد بطيبه طيبين القبايل
ياناس أنا ما انساه والله والله
ما انساه لو تنسى الطراد الأصايل
رجل ليا غاب عنا فقدناه
والرجل الآخر من حساب الحلايل
مرحوم ياللي وسط قبره وضعناه
وقمنا عليه من الترايب نهايل
الشاعر/عايد بن خليف بن فريح القراري
