عسى المطر في ساحة العدل مدرار
يمطر على قبر نزل فيه نايف
حتى يفوح العشب من عطر الأزهار
يكسي صعيده مثل لون القطايف
مرحوم يا أمير غدت فيه الأقدار
أقفت ركابه والمحاجر ذرايف
نبكيك يا حرٍ شهر بين الأقطار
صيته تعلا فوق روس النوايف
أنا أشهد أنه بالمهمات بتار
زيزوم نجد اللي ندر بالوصايف
نايف حكيم الراي للدين نصار
له كلمةٍ تشبه لحد الرهايف
درع الوطن رجل الدهاء حامي الدار
في موقفه كل الثقايل خفايف
اللي على السنه دحض زيف الأشرار
في منهج يردع هوى كل زايف
الله يجبر كسر وافين الأشبار
آل السعود مسددين الهدايف
عبدالله بن محسن الطريسي
