في غيبتك كل ما كتبت لي بيت عيا.. يكتمل! والى تذكرتك تعبت ويزيد وزري والحمل وكل ما أحس أني قربت أو قلت باقي لي أمل أصادف اللي ما حسبت ويصيبني ياس وخمل يا ليت لي قدره وغلبت ريح المفارق والرمل أو ليت لي لامن رغبت قدره على (رد الشمل) كاني على نفسي كذبت والقصد جرحي يندمل ياللي عشقتك ثم سلبت دنياي وباخرها تمل! وانا الذي لامن طلبت اجزيك من جنس العمل غيبتني من يوم غبت وقلبك على الفرقا صمل وفي غيبتك مهما كتبت قصايدي ما تكتمل الشاعر /محمد الغرير
|
