من كثر ما أبكي والزمن همه يزود
ماعاد لي صبرٍ يطيق احتمالي
واسهر وكلي حزن وهمومي وفود
تضيقبي وتزيدني بانعزالي
ويهيض بالي كل ما هبت النود
خصاً ليا هبت هبوب الشمالي
أحيان أحس إني مع الناس موجود
وأحيان أحس أني وحيدٍ لحالي
وأحيان أقول الحب منفي ومشهود
حقيقةٍ مدري توهم خيالي
مير الوكاد إني من الزين ملهود
وجروح قلبي جددتها الليالي
قلبي بليا صاحبه ناعم العود
عايش وكن ماله مع الناس غالي
ماعاش متهني ولا باح بسدود
يخفي سدوده عن بعيد وموالي
من عقب صد الزين والحبل معقود
والوقت ما حله ولا الهم زالي
الشاعر/ نواف محمد الصخابرة
