البارحة يوم اغلب العالم اهجوع

خذيت من بين البضايع بضاعه

وكنه بدا ينزل من اللوعه ادموع

وادركتها باللي بقى من شجاعه

اقلقني التفكير في صلب موضوع

على مدار اربع وعشرين ساعه

حزين حزن مثابرٍ جاب مجموع

ولا انقبل فالطب ولا الزراعه

عليك يا كنج الحلا نادر النوع

ياللي حديثك ما يوصف سماعه

يا غايبٍ عني سنه لولك اسبوع

شبعتني يا نور عيني قطاعه

ليه الجفا مسموح والوصل ممنوع

وانا ما عندي للجفيّا مناعه

عذرك معك لا صار الارسال مقطوع

ولا فلا لا اصغيت لاهل الاشاعه

فان جيت تلقى لك فالاعماق مشروع

وان رحت جعلك للمهيمن وداعه

الشاعر/ بدر بن فهد بن مويعز