Tuesday 01/10/2013 Issue 14978 الثلاثاء 25 ذو القعدة 1434 العدد
مالي سوا وجهك
الا يالله ضاقت بي دروبي والرجا ماضاق
وانا مالي سوا وجهك ليا ضقت اتوجه له
عليك اشكي همومي والهموم تسبب الأرهاق
ومن يشكي على غيرك ضعيف وباينن جهله
وانا اللي في رضاء نفسك علي ورحمتك تواق
وانا اللي ما عبد غيرك إله ولا توله له
وانامن خاف من وحل الخطايا ولتفاف الساق
ودربٍ يمشي العاصي عليه ولا تنبه له
وانا اللي في ذرى وجهك نهار تفتح الأوراق
يومٍ الأدمي من هول مابه مايعرف اهله
وانا اللي عارفٍ بأن الحياه امقابله وافراق
رسول الموت ياخذنا من الدنيا على مهله
عسانا لاتفرقنا على طاعه وزين اخلاق
ونكسب عفو ربٍ وحّده عبده ونزه له
- عايض أبو شيبه السبيعي
