Monday 07/10/2013 Issue 14984 الأثنين 02 ذو الحجة 1434 العدد

هَمِّي رضاك

هَمِّي رضاك

مد اليمين الناعمه لا عدمناك

وخذها عهد مادمت حيٍ وأنا حي

إتبع اخطاي ولك علي أتبع أخطاك

نمشي سوا بالشمس والا مع الفي

أظلّلك برداي وظلالي ارداك

وأنا معك رحّال من حي في حي

يلزمك ترضيني وأنا همّي رضاك

تاخذ وتعطيني وشيٍّ بدل شي

ما تملكه يمناي يفداك وفداك

ما حال من دونك من الميت والحي

ليتك تشوف القلب لي حل طرياك

يفز مثل اللِّي لمس رأسه الكي

عشرين عام وزود وانا أتحرَّاك

جسمي بنجد مقيم والقلب بدبي

أنساك لا ما أنساك وشلون بنساك

انته اغذا روحي ولعيوني الضي

أنا كبير الحظ مادمت بلقاك

أفديك بأغلا شي وأشوفه شوي!

الشاعر: عبدالله بن محمد السياري