Wednesday 09/10/2013 Issue 14986 الاربعاء 04 ذو الحجة 1434 العدد
نسناس الهوى
محفوظ الهذلي - أبونايف:
تعذبت يا قلبي وعذبتني بالحيل
عذاب السجين اللي حرق دم سجّانه
ليا هب نسناس الهوى شلت صدري شيل
ودقيت زير الحب واشعلت نيرانه
ولا تعرف الحب الحقيقي من التمثيل
تعامل بمبدأ الصدق مع ناس خوّانه
خدعك الجمال اللي تعوّد على التدليل
كثير التغلّي يحسب الحب هجّانه
يقل لي ترى مانيب احب السهر بالليل
وانا كم سهرت الليل كلّه على شانه
مشاعر بدون احساس مثل الغُثا بالسيل
وحبٍ بدون اخلاص يختل ميزانه
