Wednesday 16/10/2013 Issue 14993 الاربعاء 11 ذو الحجة 1434 العدد
شاعرة.. وأكثر من صورة
سليمان بن شريم
رزاق
يا الله يا اللي عندك الرزق مكتوب
يا اللي جعلت الرزق ما صك بابه
يا عالم النيات يا قاضي النوب
كل عطيته باب رزق شقى به
***
تحذير
اصحى لخلان الرخا لو تغالوك
اعرف ترى اطيبهم الى احتجت يجفاك
كنك خوي (مقيط) دهووك واغووك
وحقك عطاك ارشاك واقفى وخلاك
***
حلا
ترى حلاة الهوى لاطالت المدة
ماهوب بيومٍ صديق ويوم قوماني
ان كان ما انت ابمصافيني على الشده
وقت الرخاء واجد ربعي وخلاني
***
شوق
لا ابطيت ما شفته وهو ما عنى لي
عفت المكان اللي يغيظه ويجفاه
ياما وياما فرقتنا الليالي
نجع مقيم وفرق البعد لاماه
