Monday 28/10/2013 Issue 15005 الأثنين 23 ذو الحجة 1434 العدد

الذكرى

يا بنت والذكرى للأحباب ناقوس

في عالم النسيان دقت طبوله

هو مر بك من ماضي الحب هاجوس

ايفصل الماضي بروعة فصوله

أو مر في بالك محطات ودروس

وإلا على ما صار فيني جهوله

وإلا خذلني الحظ والحظ منحوس

وإلا الشقأ نوخ بقلبي ذلوله

أحيان أشوفك حلم واقع وملموس

وأحيان أشوفك بالمحبه بطوله

وأحيان أحس أن الغلا فيْ مغروس

من يوم كنا في زمان الطفوله

لكنها الدنيا بها الوضع معكوس

العمر يمضي والليالي عجوله

كم رفّعت راس ٍ وكم هبّطت روس

وياما رمت بالذل من قاد دوله

وكم روّعة نفسٍ وكم هزت انفوس

إلها على المخلوق صوله وجوله

هذي هي الدنيا بها أفراح وإتعوس

الحلم فيها مستحيلا نطوله

نحلم ونحلم والقدر شي محسوس

ولا احدن تجي دنياه تتبع ميوله

رحتي وراح الحب والحلم منكوس

وظاعت محبتنا كذا في سهوله

وحاستني أفكاري مع الأسئله حوس

والفكر مما صار ضاعت حلوله

أمسي بكابوس ٍ وأصبّح بكابوس

واللي بقلبي لك ابختم وأقوله

حبك بوسط القلب بالروح محروس

وحبي بقلبك كيف مبدأ قبوله

ياالله عسى لي في خوافيك هاجوس

لا جاك مرسولي يجيبك رسوله

الشاعر/ محمد حلوان الشراري - الجوف