Thursday 31/10/2013 Issue 15008 الخميس 26 ذو الحجة 1434 العدد
مهما قلت لك
يا لذيذ النوم عين الشقى ما تشتهيك
والأمور اللي جرت لي ترى ما تجهلك
المحبة من دخلها غدا مثل الهليك
يارد حياض المنايا ويقن بالهلك
يا عديل الروح صارت حياتي في يديك
وأنت بالدنيا حياتي وثروة ما أمتلك
أنت بالروح العزيزة وبالحال أفتديك
وأفتخر بك بين كل الملا وأفضلك
كل ميزة نادرة حطها المعبود فيك
استوت فيك الجزالة وربي جمّلك
أذبحتني لوعة الشوق والغيرة عليك
وأرفعت عندي مقامك وعلت منزلك
منزلك فوق الثريا عسير لمن يجيك
المشاعر في غلاها عمر مستقبلك
بالغلا مالك بقلبي نظير ولا شريك
ما أقدر أوصف لك معزتك مهما قلت لك
في جميع دروب عمري خفوقي يحتريك
يتعمق فيك حلمي وأرد أتخيلك
والله أنك بدت الخلق قلبي مهتويك
لكن الحظ المقصر عجز لا يا صلك
- الشاعرة/ فتاة نجد
