Monday 04/11/2013 Issue 15012 الأثنين 01 محرم 1435 العدد
صوت الغلا
وين انت محتاج صوتك ينعش إحساسي
نبرات صوتك بسمعي ملح وعذوبه
لا قلت لي يا هلا بك تملك أنفاسي
وأجيك صوت الغلا متوشحٍ ثوبه
جابتك الأقدار تقتل جرح هوجاسي
وأحييت نارٍ بقت بالذات مشبوبه
صدفه ويا ليت مال لصدفتك ساسي
يا ليتها صدق كانت حلم وأكذوبه
حتى أعيش السعاده في كنف ناسي
ولا شيل همك على بالي ولا نوبه
أدله وتطرق ذعاذيع الفرح راسي
وأعانق الانسجام وروعة أسلوبه
صدّيت لكن نبت من صدّتك ياسي
وأدميت قلبٍ غدا بيديك لعبوبه
ليتك ذبحت الغلا في وقتٍ قياسي
وبنيت من فوق قبره طوبه وطوبه
وأنساك لو أن ظنّي ماني بناسي
على الأقل فيه دافع وأعلن التوبه
تكرم ولانيب قايل ليه يا قاسي
لكن حياتي بدونك ضيم وصعوبه
- الشاعر/ عبدالعزيز الشهيل
