يالله يا محيي العظام الرميمات
يا مالك الدنيا والأرض وسماها
يا منجي نوح من هل الضلالات
ويا ساتر مريم ومنطق نماها
ويونس ببطن الحوت قد حي ثم مات
وذي حكمة اللي قدرته ما وراها
احفظ لنا اللي يرتكي للصعيبات
اللي يفل احجابها مالواها
خادم بيوت الله ورجل المهمات
قايد مسيرتنا وحامي حماها
فهد ليامن صار في الوقت ميلات
يسعد عيون وعين يسحن ادواها
عشرين عام يسهر الليل مابات
في خدمة الاسلام يدعم بناها
رجل السلام وفارس الحرب لاجات
في ساعة رد البراء لحلفاها
ولاقول قول الا وعندي له اثبات
حرب الخليج اكبر دليل علاها
والشعب كله والقبائل مسمات
تحت امر ابو فيصل الى من بغاها
وعبر الاذاعة والصحف والمجلات
تعلن تهانيها وخالص ولاها
وحنا سعوديين وقت الملاقات
نعرف بضربات صعيب دواها
وختامها مني سلام وتحيات
لآل السعود اللي يذري ذراها
