بسم الله ابدا وانظم اللي توريت
أبيات شعر من ضمير.. بدعها
يوم القريحة جت على .. ما تمنيت
في خادم البيتين يوضي شمعها
ولو أن بالخاطر ملايين ما وفيت
ما وفيت للدولة وضابط سنعها
اللي مضى عقدين ما عمري اوحيت
إلا العلوم اللي يشرف.. نبعها
عشرة وعشر اسنين فيها ترويت
حتى ارتوى فكري وقلبي طبعها
بالعلم والحكمة ترى.. ما تماديت
والا السياسة يوم يكشف قنعها
والا التطور حيث ما رحت وان جيت
تشهد عيونك قبل تلمس نفعها
والأمن من فضل الولي لا تمشيت
يشهد لو انك في مخابي اسبعها
كم سجل التاريخ له من تثابيت
وكم من قلوب مبعدات.. وجمعها
الله يديمه طولة العمر.. يا ليت
ونشاركه في كل ثمرة.. زرعها
ابن المليك اللي رفع عزة البيت
واصبح لنا.. كلمة.. ودوله رفعها
حتى اصبحت في قمة المجد والصيت
دوله حباها الله ملوك.. وشرعها
