ضيق تزرعه كف البعاد وتقطفه ذكراك
وأنا اللي ما يواسيني سوى حبري وقرطاسي
هجاد يسقي عيوني هماج الحلم في لقياك
وأكسر في حطب قولة عسى لين إنكسر فاسي
وهم قد نشب في حلق صبري والسعة دنياك
وصمت قد هدم حصن السكوت وبيح إفلاسي
تسابق لك مغاتير النوايا كيف ترعى ارضاك
واثر دونك مسافات الضما مع صالية ياسي
وتشقق لي عقب ليلي صباح قال ويش أبقاك
وشاف الخاطر اليابس من سموم الجفا القاسي
جفل هاك النعاس ولا طرى لهاالذاكرة تمحاك
مدامي باني ديرة غلاك وهالوفا ساسي
بَرَد جمر انتظاري وباب عشقي ما استضاف اخطاك
وعسى ما ينفلت حبل الرجا يالذاكر الناسي
