يسألوني ليه أحبك,, وليه أنا مغرم هواك
ما دروا إنك حبيبي بالبشر مالك مثيل
يعاتبوني كيف قلبي ما عرف حبٍ سواك
وكيف اقضي العمر كله في غرام مستحيل
لا يهمونك حبيبي العمر كله فداك
العواذل مهما قالوا ما أبي غيرك بديل
حكيهم عني وعنك زاد في قلبي غلاك
وهذا هو طبع العواذل الحكي قالوا وقيل
يكفي عهدٍ قد عطيته للي لعيونك عطاك
الوفاء والحب كله سيدي لأجلك قليل
ويكفي إنك في عيوني وفي خيالي ياملاك
وان حبك في عروقي يجري مع دمي ويسيل
ومهما عانينا بليالي أبعدت عني خطاك
بأبقى عمري ما نسيتك لو لقانا يستحيل
