ليش الليالي بالسعادة قصيرة

ويا طولها لا صار بالصدر ضايق

كلٍ يقول الليل عايشك حيرة

وانا على طول الليالي صفايق

ادور في ديرة وادوّر بديرة

وانت الذي بالحب يازين رايق

اثري انا بالحب ما عشت خيرة

راحت ليالي من هواها دقايق

حفيت ادور عنك بارض الجزيرة

وأنت الذي بالأرض ما كنت لايق

ياشينها ياصاحبي من مجيرة

جارٍ على جاره يدور عوايق

مادام لي في تالي الوقت سيرة

آخر عزى للقلب شب الحرايق

ليتك تشوف من الهوا ما يحيره

وتحس في قلبٍ يعيشك حقايق

ياطول ليلٍ فيه شوكك حريرة

وياليل لك في بعض الأوقات شايق

مادمت لك سرٍ دفنته في بيره

لاتسمع اللي يجمعون الفسايق

خافي على قلبٍ يلده مسيرة

محبوبك اللي كل وقت امتضايق