فلي حجاج المساء والنور وافراحه

واستشرقي بالجمال وهزي ركونه

توشحي بالظلام ولفي جناحه

يحق لك لو قهرتي كل مزيونه

والى تباهى حلاك وجرد سلاحه

ياكثر ما طاح من خلفه ومن دونه

والى طلبت الغلا ياسيّد الساحه

كل الغلا والولاء والنفس ممنونه

وان كان فيها تعب ترى التعب راحه

في حشمتك ياربيع القلب وغصونه

وش حيلة اللي عليك يضمد جراحه

من كثر مابه وكثر الوجد وطعونه

ما عاد ماله وملواح الوله لاحه

الله بليل الغرام يكون في عونه

والموت وان مات لا تطلب له الباحه

يكفيه هم البعاد ولوعة شجونه

وان كان ودك عطاء والنفس مرتاحه

الحب الأول تمعن فيه وش لونه