سريا قلم واعزف على بيض الأوراق
مشاعري لحن الرواخي من العود
نغمة وفاء يحيا بها لك مشتاق
ونغمة أمل يطرب لها كل موعود
نغمة حزن يبكي لها كل من ضاق
ونغمة محبة ما تبين له حدود
سريا قلم واعزف تعابير وأشواق
لاتعتذر وتقول بشروط وعقود
ولاتعتذر وتقول بالحيل منعاق
قم ابحر بشوقه وحروفك تجود
زف المشاعر زفها والقلب خفاق
لذاك الغرام اللي عسى عمره يزود
هي جنة الدنيا يوم إن القدر ساق
حظي وقاده رازقه بالمها زود
وهي شمسها اللي ساطعة وقت الإشراق
ترسل سناها وضوها عالي يسود
وهي القمر متوحد بعالي آفاق
نور القمر وأوصافه الزينة شهود
هذي المشاعر ساكنه وسط الأعماق
وفي وصف (بسمتي) باقي زود وزود
