أبا اصبر وأنت تصبر ما اصبر يا خوي الليل

ترى ما كل مخلوق تحقق له مطاليبه

على نار وعمار وريحة أهل البن واهل الهيل

أسولف لك عن الدنيا اشيل الهم واسريبه

ولا تستاهل الدنيا كدرنا يا عقيد سهيل

أقول ان الزمان يخون لو صفين مشاريبه

تحملنا الليال هموم والأيام عدل وميل

واذا لاح الفرح يا عجل ما عنا تقفي به

تعبنا يا رفيق العمر وكثر الحوم هد الحيل

وحط الطاير اللي ما اسعفنه مخاليبه

أنا أشكي لك وتشكي لي وراح الليل حط وشيل

ولا باقي من أيام العمر شي نسخى به

أنا يا صاحبي برجع لدار يا عساها السيل

ديار أهل الكرم وأهل الوفاء منبع الطيبه