سلهمن يا عيونه واسرفن في شقاي

دام ربي خلقكن لي عذاب وشقا

يا سبايب عذابي يا سبايب عناي

زهرة العمر راحت وش بقى ما بقا

لا تلفَتّ حولي صار يركض وراي

هم وهم المشاعر بين صد ولقا

كل ما أحاول أنسى لوعتي مع آساي

أتهقوا ولكن خافقي ما هقا

أتأمل قديرٍ ما درا عن ضماي

رغم وافر زلاله صدني ما سقا

آه يا طول ليلٍ ما سهر به سواي

وآه ياقو جرحٍ بالفؤاد أتقا

يا عيونه رجاءً لا يخيب رجاي

يرفق بقلب خلٍ ما لغيره نقا

يختلف نوع حبي واشتياقي وهواي

فوق معنى المحبة والمودة رقا