سارت صقور المجد للعز قدام
والله بعث صقر لهم حدد لسعير
عبدالعزيز اللي مشى بدين الاسلام
على الجزيرة صار مفتاح للخير
من يوم جاها حضها والسعد قام
واستبشرت به بالفرح والتباشير
وبدا لشرع الله في رفع الاعلام
في دعوةٍ للدين من دون تزويد
وبدا واسس جيش للخصم لطام
واصبح يديره بكل حكمة وتفكير
وسعى على ان الشرع ببلادنا ايقام
ويصير فيها للشريعة مصادير
ومشى بجيشه تحت رايات الاسلام
بأرض الجزيرة سطر المجد تسطير
جاهد بها وصبر على ضيم الايام
حتى اخضعت له بأمر رب المقادير
على الابل والخيل وبالرمح وحسام
خلى طوابير المعادي مدابير
ومن لا خضع له بالرضا يرغم ارغام
وعز الصديق وللمعادي زمهرير
والله جعلها له خيرات وانعام
تبدلت عقب العسر للتياسير
والله جعلهم للوطن خير حكام
ال سعود أهل الوجيه المسافير
ومرحوم يا من له على المجد مقدام
مسس مسيرتنا بحكمة وتدبير
وعقب حرارٍ واصلوا السير قدام
مشوا على نهجه بحكمه وتقدير
بفضل الولي صاروا للبيت خدام
وشعارهم دايم تهلل وتكبير
وعدوهم يا موت وللي استسلام
ماله عليهم بأمر ربي مناصير
واليوم حنا نحتفل في مائة عام
ذكرى مؤسس مملكتنا على الخير
بظل الفهد العز هو والامن دام
هذا الملك نسل الملوك المشاهير
وعبدالله اللي للوطن لابس اوسام
ولي عهد المملكة منبع الخير
وزيرنا ابو الارامل والايتام
سلطان زبون الضعاف المقاصير
ويانعم في اهل الشجاعة والاقدام
ال سعود ولا بهم قول تقصير
وصلاة ربي عد خطٍ بالاقلام
على نبي الله راع التباشير
