بمناسبة مية سنة غرد الطير
غنى على غصن السلام بسلاما
عقب السموم وعقب عج الاعاصير
نور بدا زاح الجهل والظلاما
عبدالعزيز اللي رفع راية الخير
اللي رفع بالسيف خير الكلاما
وحد شمل طوع شيوخ مناعير
كل لبو تركي خضع بحتراما
قال اسلمو قالو له ابشر بتقدير
ما عاد عشنا بعد سيفك خصاما
وتباشرت كل الجزيرة تباشير
عقب المقاتل والقشر والعساما
وشامت لبو تركي حشى ماتبي غير
لبست بحكمه كل تاج ووساما
وبعده حكم من لايعرف المخاسير
تباشرو بسعود كل اليتاما
ثم جاكم من لايهاب المخاطير
فيصل عدوه ذاق منه السقاما
وبعده حكم من لايبي زود تفسير
خالد عساه بجنة الخلد داما
في منهجٍ واحد على قدم تطوير
كل يقول المملكة هي شماما
ثم خادم البيتين ليث المغاوير
اللي سعى للمجد عالي وحاما
المملكة لبست عقودٍ وساوير
ترقص طرب له يوم جاها هياما
شوفه لها زوّد بها زود تنوير
في شوف ابو فيصل حشى ماتلاما
ترقا معه للمجد من دون تقصير
بالعاليات اعلابها مايظاما
وعشنا بظله دون هم وتعاسير
مية سنة عشنا رغد بتماما
بمناسبة مية سنة قلت ياطير
غن بطرب وحنا معك بسلاما
