بدينا بذكر اللي خلق برها وبحور
إله ويعلم جهر الامور واخفاها
ويعلم دبيب النمل بالليل فوق اصخور
خلق لارض سبع والسما سبع بناها
طلبناك يالمعبود يالواحد الغفور
وتحفظ بلدنا بامنها واحفظ ابناها
حكومة وكل الشعب بك يابلد فخور
لخدمة وطنا نتعب الروح لرضاها
توحد شتات المملكة واشرقت بالنور
وعبدالعزيز بحكمته وحد اقراها
مئة عام تمضي والفخر بالقلم مسطور
من القائد الباني وبابناء بناها
وصل للرياض الهجن جيشه مع السحور
حثيث المطايا تسبق الريح بخطاها
ونادى المنادي وارتفع فوق عال السور
لعبدالعزيز الملك والرب هياها
وحظ الجزيرة قام بالفارس المشهور
حكم بالعدالة والشريعة وقواها
ونادى الجنوب وشرق والغرب والجمهور
ونادى الشمال وكل من جاء وحياها
وصقر الجزيرة له مع الشعب شور ودور
حليم وعليم وله سياسة ومبداها
نشر الامن ووقف حدة الحرب والشرور
وكل السيوف الشابيه ردت اخباها
وهو المسس الباني بالاسلام والدستور
رفع كلمة التوحيد بالصدق واعلاها
وكل الشعوب اهدى لها الحب والسرور
وحسن الجوار وصوت الاسلام ناداها
ومن عهده الماضي الى عصرنا المنصور
تقوى بنا الدولة وببناه قواها
حكومة بعهد اجدادها والبنا معمور
تواصل تقدم شعبها بأمن وحماها
بلاد السعودية بلادٍ غشاها النور
والايام بيض وقو الايمان جلاها
مئة عام تمضي والفخر بالقلم مسطور
من القائد الباني وببناه بناها
ونختم ونرجو المعذرة لو حصل قصور
واصلي واسلم للنبي بالف فبداها
