|
| |
ماذا دهاك؟!!
|
يامن دهتني عيونك واشرت لي يديك |
الله يسامحك كيف اتقول ماذا دهاك |
ماتدري اني متيّم بك وكلي لديك |
مملوك مأسور مسبي مستهام بهواك |
أموت كلي معك.. وأموت فيك وعليك |
واغليك لكن عسى الله ما يبيّن غلاك |
واحنّ اليك.. وعليك احن من والديك |
ومن لهفتي عين قدّامك وعينٍ وراك |
اشتاق لك واشتكي لك منك واشكيك اليك |
كلك ملكني.. وكلك في عيوني ملاك |
جادلك جيدك جبينك خنجرك حاجبيك |
اسمك سماتك سموك سستِمِك مستواك |
جوريك جمرك لجينك عسجدك وجنتيك |
ذرابتك رقتك روعة حضورك بهاك |
وجهك وهج مبسمك بسمتك غمّازتيك |
براءتك.. خالك اللي لاذ بايسر شفاك |
سجنجلك جلنارك نرجك كركديك |
كاديك مسك نسيمك شمس صبحك مساك |
سلهام عينك نعس طرفك حور مقلتيك |
بوهتك ملحك حلاتك خف دمك حياك |
ما اعرف اداري ولا اهدي ولا امسك بريك |
لاجيت اجي كلي.. وكلي عساني فداك |
أقدّم الروح كاش.. وباقي العمر شيك |
باسمك مصدّق ولا يصرف لحيٍ سواك |
يامن دهتني عيونك وأشّرت لي يديك |
الله يسامحك كانك قلت ماذا دهاك |
خليل الشبرمي
|
|
|
| |
|
